25-ე კადრი: მითი თუ რეალობა. მეორე ნაწილი

25-ე კადრი: მითი თუ რეალობა. პირველი ნაწილი

25-ე კადრის  ეფექტიანობაზე ფსიქოლოგები და მარკეტოლოგები დღემდე ვერ თანხმდებიან. ბევრი მსჯელობა მიდიოდა 25-ე კადრის ფსიქოლოგიური ეფექტის თაობაზე. მეცნიერთა ნაწილი აღიარებს ამ ეფექტს, თუმცა  მისი არსებობა (ფსიქოლოგიურ ეფექტს ვგულისხმობ) 1958 წელს ამერიკის ფსიქოლოგების ასოციაციამ ოფიციალურად უარყო (ვინ გაუგებს ამ მეცნიერებს) და ჩვენი ვაიკერის გამოკვლევა არსად არც გამოქვეყნებულა, თუმცა მოგვიანებით  1962 წელს ვაიკერის ოპონენტებმა გამოაცხადეს, რომ მან აღიარა 1957 წელს ჩატარებული ექსპერიმენტის შედეგად მიღებული სტატისტიკის სიყალბე. ამ აღიარების შემდეგ, ზოგიერთი ჟურნალისტის თქმით, ეს ადამიანი გაქრა.

25-ე კადრი პოპულარულია არა მხოლოდ რეკლამაში, არამედ მედიცინაშიც. არსებობს მკურნალობა, რომელიც დაფუძნებულია 25-ე კადრის თეორიაზე  და მას იყენებენ კლინიკებში ნარკომანიისა და ალკოჰოლიზმის განკურნებისთვის. 25-ე კადრს ასევე იყენებენ წონის დასაკლებად და უცხო ენების სწრაფად შესასწავლად.

ყოველთვის მაინტერესებდა წონის დაკლების მეთოდი, თუმცა ფული მენანებოდა დისკების საყიდლად.  თითქმის დარწმუნებული ვარ, რომ თბილისში ძალიან პოპულარული „ექიმი ბორმენტალის“ პრინციპის ერთ -ერთი შემადგენელი ნაწილი ზუსტად ამ 25-ე კადრს ეფუძნება.

როგორც ზევით ვივარაუდე, ადამიანი, რომელიც მზადაა, რომ მასზე გამოიყენებენ ამ 25-ე კადრს, ფსიქოლოგიურად, უნდა თუ არ უნდა, ემზადება ამ მომენტისათვის და, ჩემი აზრით,  ამის შემდეგ გინდ აჩვენე ადამიანს ეს 25-ე კადრი და გინდ არა, მგონი ის  მაინც ჩათვლის, რომ მასზე მოახდინეს ზემოქმედება და მოიქცევა შესაბამისად. (ფსიქოლოგიურ ფაქტორთან დაკავშირებით ერთ მაგალითს მოგიყვანთ: ადამიანს წყალს თუ მაიწოდებ და ეტყვი შხამიაო, და ამ ადამიანმა მთელი გულით იწამა ეს, წყლის დალევის შემდეგ შეიძლება მართლაც მოკვდეს).

ზედმეტი არ იქნება აქ ავღნიშნო, რომ თბილისის სახელმწიფო უნივერსიტეტში 1960-70-იან წლებში, პროფესორ ბარნაბ ხაჭაპურიძის მიერ ჩატარებული ექსპერიმენტები 25-ე კადრის გამოყენებით  ფსიქოლოგიის კათედრასთან არსებულ ლაბორატორიაშიც ტარდებოდა.

ისმის კითხვა, რა ვერ დაკოკრეტდნენ ეს მეცნიერები. ბოლოს და ბოლოს, არსებობს თუ არა ეს 25-ე კადრი?

მეცნიერებაში მაინც ბოლომდე არაფერია დაზუსტებული (რაც არ უნდა იყოს გასაკვირი) და ის გვიტოვებს პატარა ინტრიგას,  გვაძლევს საშუალებას ჩვენ თვითონ დავფიქრდეთ ამ უცნაურ მოვლენაზე და ჩვენი ძალებით გამოვიტანოთ დასკვნები.

THE END

About these ads